سابق دیور نے طلاق یافتہ حاملہ بھابھی کو قتل کردیا

کراچی کے علاقہ بغدادی میں سابق دیور نے طلاق یافتہ حاملہ بھابھی کو فائرنگ کر کے قتل کردیا۔

تفصیلات کے مطابق خاتون سیکیورٹی گارڈ کی شکایت کرنے نجی اسپتال آئی تھی، خاتون کی اسپتال میں موجودگی کی خبر ڈیوٹی سیکیورٹی گارڈ نے قاتل کو فون پر دی۔

پولیس کے مطابق مقتولہ امید سے تھی اور معائنہ کیلئے اسپتال آتے جاتے سیکیورٹی گارڈ اسے تنگ کرتا تھا، خاتون سیکورٹی گارڈ کی شکایت کرنے اسپتال آئی تھی جہاں تعینات سیکورٹی گارڈ عبد الحفیظ نے قاتل ارباز کو فون پر خبر دی۔

پولیس کا کہنا ہے کہ ارباز نے اسپتال کے باہر فائرنگ کر کے قتل کیا، پولیس نے سیکورٹی گارڈ کو حراست میں لے کر مفرور قاتل ارباز کی تلاش شروع کر دی، جبکہ مقتولہ کی لاش پوسٹ مارٹم کیلئے اسپتال منتقل کردی گئی۔

from ARYNews.tv | Urdu – Har Lamha Bakhabar https://ift.tt/496axfS