ترقیاتی کاموں سے متعلق میئر کراچی نے مجھ سے کوئی گلہ نہیں کیا، اسد عمر

کراچی: ایم کیو ایم پاکستان کے تحفظات دور نہ ہو سکے، کراچی بحالی کمیٹی کے اجلاس میں پیش رفت نہ ہو سکی۔

تفصیلات کے مطابق متحدہ قومی موومنٹ پاکستان کے ذرایع نے کہا ہے کہ کراچی بحالی کمیٹی کے اجلاس میں کوئی پیش رفت سامنے نہیں آئی ہے، یہ ایک معمول کا اجلاس تھا۔

ذرایع نے بتایا کہ گزشتہ روز گورنر سندھ عمران اسماعیل نے کراچی بحالی کمیٹی کا اجلاس طلب کیا تھا، اجلاس میں کراچی میں ترقیاتی کاموں سے متعلق ایم کیو ایم کے تحفظات دور کیے جانے تھے، تاہم ایم کیو ایم ذرایع نے کہا ہے کہ یہ معمول کا اجلاس تھا، اہم پیش رفت سامنے نہ آسکی۔

بتایا گیا کہ ترقیاتی پیکج اور منصوبوں کی تکمیل بدستور سست روی کا شکار ہے، اس سے متعلق ایم کیو ایم کے تحفظات بھی برقرار ہیں، اجلاس میں نہ کوئی نئی اسکیم کی بات ہوئی نہ فنڈز کے اجرا کی، تحفظات دور نہ ہونے کی وجہ ہی سے متحدہ اراکین پریس کانفرنس میں شامل نہیں ہوئے، تاہم اجلاس میں زیر التوا پراجیکٹس پر بریفنگ دی گئی اور ان کے جلد مکمل ہونے کی یقین دہانی کرائی گئی۔

ترقیاتی کاموں سے متعلق میئر کراچی نے مجھ سے کوئی گلہ نہیں کیا، اسد عمر

گزشتہ روز گورنر سندھ عمران اسماعیل نے میڈیا سے گفتگو کرتے ہوئے کہا تھا کہ اگر میئر کراچی وسیم اختر کو با اختیار کر دیا جائے تو شہر کے کافی مسائل حل ہوجائیں گے۔

دوسری طرف وفاقی وزیر برائے منصوبہ بندی اسد عمر نے بھی کہا کہ ترقیاتی کاموں سے متعلق میئر کراچی نے ان سے کوئی گلہ نہیں کیا، میئر کراچی با اختیار ہوتے تو کہیں زیادہ تیزی سے کام ہوتا۔ وفاق کے کراچی میں منصوبوں کا معائنہ کریں گے، وفاقی منصوبے کے لیے فوکل پرسن کا کردار بھی واضح کیا گیا تھا، گرین لائن پراجیکٹ کو مکمل کرنے کے لیے مزید فنڈز درکار تھے۔

The post ایم کیو ایم پاکستان کے تحفظات دور نہ ہو سکے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2rIkLbk