کابل ایئرپورٹ دھماکہ: نیوزی لینڈ کا کابل سے انخلاء ختم کرنے کا اعلان

کابل : افغان دارالحکومت میں دھماکے کے بعد آسٹریلیا اور نیوزی لینڈ نے افغانستانن سے انخلاء ختم کرنے کا اعلان کردیا۔

غیر ملکی خبر رساں ادارے کی رپورٹ کے مطابق گزشتہ روز افغانستان کے دارالحکومت کابل میں ہونے والے دھماکوں میں درجنوں افراد لقمہ اجل بنے تھے۔

نیوزی لینڈ کے وزیر اعظم نے کابل ایئرپورٹ پر دھماکے کی شدید مذمت کرتے ہوئے کہا کہ کابل سے مزید انخلاء کےلیے پروازیں نہیں چلائیں گے۔

خیال رہے کہ گزشتہ روز کابل ایئر پورٹ کے مشرقی گیٹ کے قریب 2 دھماکے ہوئے تھے، جس میں دو درجن سے زائد ‏ہلاکتیں ہوئی تھیں، جب کہ زخمیوں کی تعداد 60 سے زیادہ ہے، جن میں بچے بھی شامل ہیں۔

ترجمان طالبان سہیل شاہین نے کہا ہے کہ امارت اسلامیہ کابل ایئر پورٹ دھماکےکی مذمت کرتی ‏ہے دھماکےاس علاقے میں ہوئےجہاں سیکیورٹی امریکی افواج کےہاتھ میں ہے۔

سہیل شاہین نے کہا کہ امارت اسلامیہ اپنےلوگوں کی حفاظت اور تحفظ پربھرپور توجہ دےرہی ‏ہے شرپسندحلقوں کو سختی سے روکا جائےگا۔

The post کابل ایئرپورٹ دھماکہ: نیوزی لینڈ کا کابل سے انخلاء ختم کرنے کا اعلان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3Bk86cH