مسلم لیگ ن کے صدر شہباز شریف آج کراچی پہنچیں گے

کراچی: مسلم لیگ ن کےصدر شہبازشریف آج شام چھ بجے کراچی پہنچیں گے، کراچی ایئرپورٹ پر شہبازشریف کے شاندار استقبال کرنے کی تیاریاں مکمل کرلی گئیں ہیں۔

تفصیلات کے مطابق مسلم لیگ ن کےصدرشہباز شریف آج کراچی کے دورے پرروانہ ہوں گے ، ن لیگ کراچی نےشہباز شریف کےدورہ کراچی کا شیڈول جاری کردیا ہے۔

شیڈول کے تحت اپوزیشن لیڈر شہباز شریف آج شام 6:00 بجےکراچی پہنچیں گے ، شہبازشریف براستہ شارع فیصل استقبالیہ کیمپ سے ہوٹل روانہ ہوں گے۔

اپنے دورے میں شہباز شریف کل ممنون حسین، ممتاز بھٹو، جلال محمود شاہ سےتعزیت کیلئے اہلخانہ سے ملیں گے جبکہ پیر صاحب پگارا کے گھر بھی اظہار تعزیت کیلئے جائیں گے۔

پارٹی ذرائع کے مطابق شہباز شریف کل نجی ہوٹل میں پی ڈی ایم اجلاس میں شرکت کریں گے اور 29اگست کوپی ڈی ایم کے جلسے سے بھی خطاب کریں گے۔

ذرائع نے کہا ہے کہ شہبازشریف پارٹی رہنماؤں میں ناراضی ختم کروانےکی کوشش کریں گے ، مفتاح اسماعیل بھی 3روزہ دورہ کراچی میں شہبازشریف کےہمراہ ہوں گے۔

پارٹی ذرائع کا کہنا تھا کہ شہبازشریف کنٹونمنٹ بورڈبلدیاتی انتخابات سےمتعلق حتمی فیصلےکریں گے.

The post مسلم لیگ ن کے صدر شہباز شریف آج کراچی پہنچیں گے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3zocPd5