کراچی والے ہوشیار: آج درجہ حرارت 42 ڈگری تک جانے کا امکان

کراچی : شہر قائد میں گرمی کی لہربرقرار ہے ، آج بھی زیادہ سے زیادہ درجہ حرارت بیالیس ڈگری سینٹی گریڈ تک جانے کا امکان ہے تاہم گرمی کی لہر مزید 3 روز تک جاری رہے گی۔

تفصیلات کے مطابق گرمی نے کراچی والوں کی ہوائیاں اڑادیں، محمکہ موسمیات نے خبردار کیا ہے کہ آج بھی پارہ 42 ڈگری سینٹی گریڈ تک جانے کا امکان ہے۔

محکمہ موسمیات کا کہنا ہے کہ شہر کا موجودہ درجہ حرارت 34 ڈگری سینٹی گریڈ اور اس وقت ہوامیں نمی کا تناسب7فیصدہے جبکہ شمال کی سمت سے ہوا کی رفتار 8 کلومیٹر فی گھنٹہ ریکارڈ کی گئی۔

محکمہ موسمیات کے مطابق کراچی آئندہ3روزتک ہیٹ ویوکےزیراثررہےگا اور ہواکی سمت تبدیل ہونےسےگرمی کی شدت میں اضافہ ہوا۔

ماہرین صحت نے مشورہ دیا ہے کہ ہیٹ ویوکےدوران شہری دن کو گھرسے نکلنےسےگریزکریں اور زیادہ سے زیادہ پانی کا استعمال کریں۔

گذشتہ روز محکمہ موسمیات نے کراچی میں ہیٹ ویوالرٹ جاری کیا تھا ، جس میں کہا گیا تھا  کہ آج سے5اپریل تک کراچی سمیت سندھ بھرمیں شدیدگرمی ہوگی  ، ہیٹ ویوکی وجہ سے ہفتہ تک درجہ حرارت میں 4 سے 6 ڈگری اضافہ متوقع ہے۔

خیال رہے صوبہ سندھ میں ہیٹ ویو کے خدشے کے پیش نظر ڈیزاسٹر منیجمنٹ اتھارٹی نے سندھ بھر کے ڈپٹی کمشنرز اور چیئرمین ڈسٹرکٹ ڈیزاسٹر منیجمنٹ کو مراسلہ جاری کیا تھا۔

مراسلے میں خبردار کیا گیا تھا  کہ محکمہ موسمیات نے ملک کے دیگر حصوں کی طرح سندھ میں بھی ہیٹ ویو کی پیش گوئی کر دی ہے، محکمہ موسمیات کے مطابق ہیٹ ویو کے خدشات منگل سے ہفتے تک رہیں گے۔

The post کراچی والے ہوشیار: آج درجہ حرارت 42 ڈگری تک جانے کا امکان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Ph9qLr