بغداد میں ایران نواز ملیشیا کے کانوائے پر ایک اور حملہ

واشنگٹن: امریکا ایران کشیدگی کے نتیجے میں عالمی معیشت پر گہرے اثرات مرتب ہونے لگے، عالمی حصص بازاروں میں مندی کا رجحان برقرار ہے۔

تفصیلات کے مطابق دونوں ممالک کے درمیان اس کشیدگی کے باعث عالمی سطح پر تیل کا بحران بھی پیدا ہوسکتا ہے۔ حصص بازاروں کی اگر بات کی جائے تو امریکی ڈاؤجونز میں 234 پوائنٹس کی کمی ریکارڈ کی گئی۔ نیسڈیک میں72 پوائنٹس کی کمی ہوئی۔

جرمن اسٹاک مارکیٹ میں167 پوائنٹس کی کمی دیکھی گئی۔ جبکہ جاپانی نکئی میں 181پوائنٹس کی کمی ریکارڈ کی گئی۔ چینی اور ہانگ کانگ حصص بازاروں میں بھی مندی ریکارڈ کی گئی ہے۔

واضح رہے کہ گزشتہ روز بغداد کے ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے تھے۔ فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا تھا کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔

بغداد میں ایران نواز ملیشیا کے کانوائے پر ایک اور حملہ

امریکی حملوں کے بعد خطے میں کشیدگی بڑھ گئی ہے، مشرق وسطیٰ میں اچانک بڑھنے والی کشیدگی کے پیش نظر امریکا نے مزید 3500 فوجی بھیجنے کا فیصلہ کیا ہے، خبر ایجنسی کے مطابق اضافی نفری عراق، کویت اور خطے کے دیگر حصوں میں تعینات کی جائے گی۔

دوسری جانب ایران نے ٹرمپ انتظامیہ کو خبردار کیا ہے کہ تہران حکومت اس حملے کا بدلہ لے گی۔

The post ایران امریکا کشیدگی، عالمی معیشت پر گہرے اثرات appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2sBPbwD