آرمی چیف کی مدت میں توسیع وزیراعظم کا صوابدید ہوتا ہے ، عمران خان

اسلام آباد: وزیراعظم عمران خان نے کہا ہے کہ آرمی چیف کی مدت میں توسیع وزیراعظم کا صوابدید ہوتا ہے ، اپوزیشن سےمشاورت کےبعدترمیمی بل پارلیمنٹ میں لایا جائے گا۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت پارلیمانی پارٹی کااجلاس ہوا ، اجلاس میں وزیر داخلہ اعجاز شاہ، اسد عمر، وزیر دفاع پرویز خٹک ،علی محمد خان ، مشیر خزانہ عبدالحفیظ شیخ، شفقت محمود،راجہ ریاض، شیریں مزاری، نعیم الحق شریک ہوئے۔

پارلیمانی پارٹی اجلاس میں اتحادی شیخ رشیداورمونس الہٰی نے بھی شرکت کی، اجلاس میں اٹارنی جنرل انور منصور نے شرکا کو نیب آرڈیننس کے خدوخال اور آرمی ایکٹ میں ترمیم پر بریفنگ دی۔

وزیراعظم عمران خان نے اراکین سے گفتگو میں کہا کہ بیوروکریٹ، کاروباری طبقے کونیب سےمتعلق تحفظات تھے، کاروباری طبقےکےتحفظات کی وجہ سےملکی ترقی رک گئی تھی، ملکی مفادمیں نیب ترمیمی آرڈیننس2019 لاناپڑا۔

عمران خان کا کہنا تھا کہ اپوزیشن سےحکومتی کمیٹی نیب آرڈیننس پرمشاورت کررہی ہے، آرمی چیف کی مدت میں توسیع وزیراعظم کا صوابدید ہوتا ہے، سپریم کورٹ کی جانب سےمدت ملازمت میں توسیع پرفیصلہ سنایاگیا، حکومت نےسپریم کورٹ کافیصلہ من وعن تسلیم کیا۔

انھوں نے مزید کہا کہ سپریم کورٹ کافیصلہ اس حوالے سےقانون سازی کیلئےحکم تھا،حکومت نےعدالت کےفیصلےکی روشنی میں قانون سازی مکمل کی، اپوزیشن سےمشاورت کےبعدترمیمی بل پارلیمنٹ میں لایاجائے گا۔

ذرائع کے مطابق وزیراعظم عمران خان قومی اسمبلی اجلاس میں بھی شریک ہوں گے۔

The post آرمی چیف کی مدت میں توسیع وزیراعظم کا صوابدید ہوتا ہے ، عمران خان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/35hdZqY