یہ بھی پڑھیں: کراچی فش ہاربر پر ہوٹل میں خوف ناک آتش زدگی، 9 لانچیں جل گئیں

گوجرانوالہ: پنجاب کے شہر گوجرانوالہ کے علاقے شیرانوالہ باغ کے قریب لنڈا بازار میں آگ لگ گئی، جس کے باعث لاکھوں روپے مالیت کے کپڑے اور جوتے جل کر راکھ ہو گئے۔

تفصیلات کے مطابق گوجرانوالہ کے علاقے شیرانوالہ باغ کے قریب ایک لنڈا بازار میں اچانک آگ بھڑک اٹھی، ریسکیو حکام کا کہنا ہے کہ آگ لگنے کی وجہ معلوم نہیں ہو سکی ہے، تاہم آتش زدگی کے باعث لنڈا بازار میں لاکھوں روپے کا مالی نقصان ہوا ہے۔

ریسکیو حکام کا کہنا ہے کہ 4 گھنٹے کی کوششوں کے بعد آگ پر قابو پا لیا گیا ہے، اور اب کولنگ جاری ہے، آتش زدگی کے باعث کوئی جانی نقصان نہیں ہوا ہے، آپریشن میں فائر بریگیڈ کی 10 گاڑیوں نے حصہ لیا، آگ کے باعث دکانوں میں موجود لاکھوں روپے مالیت کے کپڑے اور جوتے جل گئے ہیں۔

یہ بھی پڑھیں:  کراچی فش ہاربر پر ہوٹل میں خوف ناک آتش زدگی، 9 لانچیں جل گئیں

رپورٹس کے مطابق سیٹلائٹ ٹاؤن پولیس اسٹیشن کی حدود میں لنڈا بازار میں ایک جگہ اچانک آگ بھڑکنے کے بعد اس نے دیگر دوکانوں کو تیزی سے اپنی لپیٹ میں لیا، قریب موجود بجلی کا ٹرانسفارمر اور بجلی کی تاریں بھی آگ کی لپیٹ میں آ گئیں۔

ریسکیو حکام کا یہ بھی کہنا ہے کہ متاثرہ لنڈا بازار ریلوے لائن کے دونوں اطراف واقع ہے جس کی وجہ سے ٹرینوں کی آمد و رفت میں بھی مشکلات کا سامنا کرنا پڑا، تاہم آتش زدگی کے نتیجے میں معطل ہونی والی ریلوے ٹریفک بحال کر دی گئی ہے۔

یاد رہے کہ گزشتہ روز کراچی فش ہاربر میں واقع ہوٹل میں بھی آگ لگ گئی تھی، جس کے باعث بھڑکتے شعلوں نے قریب کھڑی لانچوں کو بھی لپیٹ میں لے لیا تھا، اور کروڑوں روپے کی مالیت کی 9 کشتیاں جل کر راکھ ہو گئی تھیں۔

The post گوجرانوالہ: لنڈا بازار میں آتش زدگی، لاکھوں مالیت کے کپڑے جوتے جل کر راکھ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2sx2ePu