لاہور: چیئرمین پاکستان کرکٹ بورڈ (پی سی بی) احسان مانی کا کہنا ہے کہ پاکستان میں انٹرنیشنل کرکٹ بحال ہوچکی ہے، ہماری سب سے بڑی کامیابی ٹیسٹ کی بحالی ہے۔
تفصیلات کے مطابق اپنے ایک انٹرویو میں چیئرمین پی سی بی کاکہنا تھا کہ 2020 میں پورا پی ایس ایل ہوم گراؤنڈ پر ہوگا، 2021 میں 6 مقامات پر پی ایس ایل میچ ہوں گے، ہر ٹیم کا اپنا ہوم گراؤنڈ ہوگا۔
ان کا مزید کہنا تھا کہ سری لنکا سیریز سے پیغام گیا کہ پاکستان محفوظ ملک ہے، عالمی معیار کی پچز کے لیے باہر سےکنسلٹنٹ بلائیں گے، کرکٹ کے فروغ کے لیے آئندہ سال اہم ہوگا جس طرح رواں سال کام کیا اس سے بہتر مستقبل ہوگا۔
PCB Chairman Ehsan Mani reviews 2019
Full Video
https://t.co/VcLaX7JPFX pic.twitter.com/8f9PYtYEyZ
— Pakistan Cricket (@TheRealPCB) December 31, 2019
پی ایس ایل 5: شائقین کے لیے زبردست خوش خبری
خیال رہے کہ قومی کرکٹ بورڈ نے پاکستان سپرلیگ کے پانچویں ایڈیشن کا شیڈول تیار کرلیا ہے، جس کا باقاعدہ اعلان یکم جنوری کو کیا جائے گا۔ پی ایس ایل فائیو کی افتتاحی تقریب اور پہلا میچ کراچی جبکہ فائنل لاہور میں کھیلا جائے گا، رواں سال ہونے والے ایڈیشن کے تمام میچز پاکستان کے چار بڑے شہروں میں کھیلے جائیں گے۔
ذرائع کے مطابق پی ایس ایل کا آغاز 20 فروری سے ہوگا اور میچز 22 مارچ تک جاری رہیں گے، لاہور، کراچی، راولپنڈی اور ملتان میں ٹیمیں مد مقابل ہوں گی۔ پی ایس ایل فائیو کے زیادہ میچز کی میزبانی کا اعزاز قذافی اسٹیڈیم کے پاس جائے گا۔
The post 2021 میں 6 مقامات پر پی ایس ایل میچز ہوں گے: چیئرمین پی سی بی appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2SBbPzI
No comments:
Post a Comment