بھارت اپنا خلائی مشن 15 جولائی کو چاند کی طرف روانہ کرے گا

نئی دہلی: بھارت کو ٹیکنالوجی کی دنیا میں بھی ناکامی کا سامنا کرنا پڑا، چاند پر بھیجے گئے بھارتی خلائی مشن ’’چندریان2 ‘‘ کا زمین سے ربطہ منقطع ہوگیا۔

تفصیلات کے مطابق بھارت کی خلائی مشن میں ناکامی پر وفاقی وزیر سائنس اینڈ ٹیکنالوجی فواد چوہدری اور سینیٹر فیصل جاوید نے شدید تنقید کا نشانہ بنایا۔

بھارتی میڈیا کا کہنا ہے کہ خلائی مشن کا رابطہ لینڈنگ سے چند منٹ پہلے منقطع ہوا، چاند کی سطح سے 2 کلومیٹر فاصلے پر سگنل آنے کا سلسلہ ٹوٹ گیا۔

بھارتی خلائی تحقیقی مرکز نے ناکامی کا اعتراف کرتے ہوئے کہا ہے کہ اس قومی منصوبے کو ایک بڑا دھچکہ لگا ہے، خلائی گاڑی چاند کے جنوبی قطبی علاقے میں اترنے کے لیے بنایا گیا تھا۔

بھارتی سائنسدان سرجوڑ کر بیٹھ گئے، ماہرین کا کہنا ہے کہ مشن کا جائزہ لے رہے ہیں جبکہ ناکامی کی وجوہات تک پہنچنے کے لیے تحقیقات جاری ہیں۔

بھارت اپنا خلائی مشن 15 جولائی کو چاند کی طرف روانہ کرے گا

ادھر وفاقی وزیرسائنس وٹیکنالوجی فواد چوہدری کا بھارتی وزیراعظم مودی پر طنز کرتے ہوئے کہنا تھا کہ مودی نےخلائی مشن پر غریب قوم کا 900کروڑ روپے لگا دیے۔

ان کا ٹویٹ میں یہ بھی کہنا تھا کہ کھلونا چاند کے بجائے ممبئی میں اتر گیا، 9 سو کروڑ کے ضیاع پر لوک سبھا کو مودی سے سوال پوچھنا چاہیے۔

دریں اثنا سینیٹر فیصل جاوید نے بھی ٹویٹ کرتے ہوئے کہا کہ اپنے سے بڑے کام نہیں کیا کرتے، پہلا والا پائلٹ یاد نہیں؟

ان کا مزید کہنا تھا کہ تم نے مظلوموں کا رابطہ بند کیا، تمہارا اپنا رابطہ بند ہوگیا، اب ٹوائلٹ پر فوکس کرو اور اپنا گند صاف کرو۔

The post بھارت کا خلائی مشن ناکام، اپنے سے بڑا کام نہیں کرتے: فواد چوہدری اور فیصل جاوید کے طنز appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/34wmrTN