’بانی پی ٹی آئی کی رہائی کا مطلب نئے الیکشن ہیں‘

سابق وفاقی وزیر فواد چوہدری نے کہا ہے کہ بانی پی ٹی آئی کی رہائی کا مطلب ملک میں نئے الیکشن کا انعقاد ہے۔

سابق وفاقی وزیر فواد چوہدری نے اپنے ایک بیان میں کہا ہے کہ جب تک بانی پی ٹی آئی عمران خان کی سیاسی حیثیت تسلیم نہیں کی جائے گی، حالات بہتر نہیں ہو سکتے۔ ان کی رہائی کا مطلب نئے الیکشن کا انعقاد ہے۔

فواد چوہدری نے کہا کہ مجھے مذاکرات سے اچھی امید ہے لیکن اس کے لیے سیاسی درجہ حرارت نارمل رکھنا بہت ضروری ہے۔ خواجہ آصف کو بھی مذاکراتی کمیٹی میں شامل کر لیا جائے تو میں سمجھتا ہوں کہ معاملات چل پڑیں گے۔

سابق وفاقی وزیر نے ایک اور بیان میں گزشتہ روز 190 ملین پاؤنڈ کیس کا فیصلہ ملتوی ہونے پر کہا کہ بہت اچھا ہوا فیصلہ نہیں سنایا گیا۔

ان کا کہنا تھا کہ عمران خان جیل کاٹ رہے ہیں اور عدالتیں ہم بھگت رہے ہیں۔ میں ان پر حیران ہوں، جو کہہ رہے ہیں کہ بانی کو اندر رکھیں او سزائیں دیں۔ اگر عمران خان کی جان کو خطرہ ہے تو انہیں کہیں اور منتقل کیا جائے۔

بانی پی ٹی آئی سے ملاقات میں انہیں ’’مشورہ‘‘ دوں گا کہ ….؟ علی محمد خان نے بتا دیا

from ARYNews.tv | Urdu – Har Lamha Bakhabar https://ift.tt/gTqd83p