بھارت سے تجارت بحال ہوگی یا نہیں؟ حتمی فیصلہ آج ہوگا

اسلام آباد : حکومتِ پاکستان آج بھارت سے تجارت کی بحالی سے متعلق حتمی فیصلہ کرے گی ، ای سی سی نے بھارت سے روئی اور چینی کی درآمد کی منظوری دی تھی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس آج ہوگا ، جس میں بھارت سے تجارت کی بحالی سے متعلق فیصلہ پر غور کیا جائے گا۔

پاکستان کی وفاقی وزیر برائے انسانی حقوق ڈاکٹر شیریں مزاری نے سماجی رابطے کی ویب سائٹ ٹوئٹر پر اپنے پیغام میں کہا ای سی سی کے فیصلوں کوکابینہ کی توثیق کی ضرورت ہوتی ہے اور کابینہ منظوری کے بعد ہی فیصلے حکومت کے سمجھے جاتے ہیں، آج کابینہ میں ای سی سی کے بھارت سے تجارت کے فیصلے پر مشارت ہوگی اور مشاورت کے بعد ہی حکومت بھارت سے تجارت کا حتمی فیصلہ کرے گی۔

Just for the record – All ECC decisions have to be approved by Cabinet & only then they can be seen as "approved by govt"! So today in Cabinet there will be discussion on ECC decisions incl trade with India & then govt decision will be taken! Media shd be aware of this atleast!

— Shireen Mazari (@ShireenMazari1) April 1, 2021

دوسری جانب پی ٹی آئی کے رہنما فرخ حبیب نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ بھارت سے درآمد کرنے پر چینی کی قیمت نیچےآئےگی، ماضی کی حکومتوں نےچینی کپاس سےمتعلق کوئی اقدامات نہیں کئے، آئندہ سالوں میں پاکستان اپنےمعاملات میں خود کفیل ہوگا۔

گذشتہ روز اقتصادی رابطہ کمیٹی نے بھارت سے روئی اور چینی کی درآمد کی اجازت منظوری دی تھی۔

The post بھارت سے تجارت بحال ہوگی یا نہیں؟ حتمی فیصلہ آج ہوگا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/39wqtjn