ایرانی سفارت خانے کا امریکی دھمکیوں پر منفرد جواب، سانپ کی ویڈیو جاری

اکرا(23 مئی 2026): افریقی ملک گھانا میں قائم ایرانی سفارت خانے نے امریکی دھمکیوں کا ایک انتہائی معنی خیز اور انوکھا جواب دیا ہے۔

سفارت خانے نے ایران کو کمزور سمجھنے والے مخالفین کو خبردار کرنے کے لیے ملک میں پائے جانے والے ایک نایاب اور خطرناک سانپ کی ویڈیو جاری کی ہے، جسے ایران کی دفاعی حکمتِ عملی کی علامتی تشریح قرار دیا جا رہا ہے۔

ایرانی سفارت خانے کی جانب سے سوشل میڈیا پر شیئر کی گئی اس ویڈیو میں ‘اسپائیڈر ٹیل وائپر’ (مکڑی نما دم والے افعی) نامی نایاب سانپ کے شکار کی منفرد حکمت عملی دکھائی گئی ہے۔

ویڈیو کے ساتھ پیغام میں واضح کیا گیا ہے کہ یہ ویڈیو جعلی مکڑی سے پرندوں کو جال میں پھنسانے کی ایک بہترین مثال ہے۔

There’s a rare snake in Iran — and nowhere else on Earth — that has a fake spider on the tip of its tail.
It waves it around. Birds come to eat it. The snake eats the birds. Simple.
Even our wildlife tried to warn the doomed unteachable "stable genius”.
Meet the lovely (yet… pic.twitter.com/ylCaB6qLos

— Iran in Ghana (@IRAN_GHANA) May 22, 2026

حکام کے مطابق اس نایاب ایرانی سانپ کی دم کی ساخت بالکل ایک مکڑی جیسی ہوتی ہے۔ یہ سانپ چٹانوں میں خود کو چھپا کر اپنی دم کو اس طرح ہلاتا ہے جیسے کوئی مکڑی حرکت کر رہی ہو۔

پرندے اس جعلی مکڑی کو اپنا شکار سمجھ کر کھانے کے لیے قریب آتے ہیں، لیکن جیسے ہی وہ اس پر جھپٹتے ہیں، خود کا نوالہ بن جاتے ہیں۔

سیاسی و دفاعی ماہرین کا کہنا ہے کہ ایرانی سفارت خانے کی جانب سے اس ویڈیو کا شیئر کیا جانا دراصل امریکا اور اس کے اتحادیوں کے لیے ایک کھلا پیغام ہے کہ ایران بظاہر پرسکون دکھائی دے سکتا ہے، لیکن اس کی دفاعی اور جنگی حکمت عملی مخالفین کو اپنے ہی جال میں پھنسانے کی بھرپور صلاحیت رکھتی ہے۔

from ARYNews.tv | Urdu – Har Lamha Bakhabar https://ift.tt/Cfy2eqZ