علیمہ خانم اور عظمیٰ خان کو گرفتار کرکے عدالت میں پیش کرنے کا حکم

اسلام آباد: انسداد دہشت گردی کی عدالت نے بانی پی ٹی آئی کی بہنوں علیمہ خانم اور عظمیٰ خان کو گرفتار کرکے عدالت میں پیش کرنے کا حکم دے دیا۔

تفصیلات کے مطابق اسلام آباد کی انسداد دہشت گردی کی عدالت میں پی ٹی آئی رہنماؤں و دیگر کیخلاف 4 اکتوبر احتجاج کیس کی سماعت ہوئی۔

انسداد دہشت گردی عدالت کے جج طاہر عباس سپرا نے کیس کی سماعت کی، دوران سماعت بانی پی ٹی آئی کی بہنوں علیمہ خانم اور عظمیٰ خان کے وارنٹ گرفتاری جاری کردیئے گئے۔

عدالت کی جانب سے مسلسل عدم پیشی پر وارنٹ گرفتاری جاری کیے گئے اور پولیس کو حکم دیا کہ علیمہ خانم اور عظمیٰ خان کو گرفتار کرکے عدالت میں پیش کیا جائے۔

بعد ازاں انسداددہشت گردی عدالت نے سماعت 22 نومبر تک ملتوی کردی ، بانی پی ٹی آئی کی بہنوں کیخلاف تھانہ کوہسار میں مقدمہ درج ہے۔

from ARYNews.tv | Urdu – Har Lamha Bakhabar https://ift.tt/lkLQbvO