کیا دنیا مقبوضہ کشمیر میں نسل کشی خاموشی سے دیکھتی رہے گی، عمران خان

اسلام آباد: وزیراعظم عمران خان کا کہنا ہے کہ مودی پہلے گجرات میں مسلمانوں کی نسل کشی کرچکا ہے، کیا دنیا مقبوضہ کشمیر میں نسل کشی خاموشی سے دیکھتی رہے گی۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ مقبوضہ کشمیرمیں 12 روز سے کرفیو ہے، پہلے سے ہیوی ملٹرائزڈ مقبوضہ علاقے میں اضافی فوجی موجود ہیں۔

وزیراعظم نے کہا کہ بڑی تعداد میں آر ایس ایس کے غنڈے اور مکمل کمیونیکیشن بلیک آؤٹ ہے، انتہا پسندی اورتشدد کا سلسلہ شروع ہوسکتا ہے۔

In IOK, 12 days of curfew, presence of extra troops in an already heavily militarized occupied territory, sending in of RSS goons, complete communication blackout; with the example of Modi's earlier ethnic cleansing of Muslims in Gujarat

— Imran Khan (@ImranKhanPTI) August 15, 2019

وزیراعظم عمران خان نے کہا کہ مودی پہلے گجرات میں مسلمانوں کی نسل کشی کرچکا ہے، کیا دنیا مقبوضہ کشمیر میں نسل کشی خاموشی سے دیکھتی رہے گی، عالمی برادری نے یہ ہونے دیا تومسلم دنیا میں اس کا شدید ردعمل ہوگا۔

Will world silently witness another Srebrenica-type massacre & ethnic cleansing of Muslims in IOK? I want to warn international community if it allows this to happen, it will have severe repercussions & reactions in the Muslim world setting off radicalisation & cycles of violence

— Imran Khan (@ImranKhanPTI) August 15, 2019

واضح رہے کہ بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں گیارویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔

مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔

The post کیا دنیا مقبوضہ کشمیر میں نسل کشی خاموشی سے دیکھتی رہے گی، عمران خان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2TwUm9U