ہیروئن اسمگلنگ کے لیے عروسی ملبوسات کا استعمال، ملزم گرفتار

بیروت: لبنان میں ہیروئن اسمگلنگ کے لیے عروسی ملبوسات استعمال کرنے والا ایک ملزم گرفتار کر لیا گیا۔

تفصیلات کے مطابق لبنان میں اینٹی نارکوٹکس سیل نے عروسی ملبوسات میں ہیروئن سمگل کرنے کی کوشش ناکام بنا دی، منشیات شمالی افریقہ کے ممالک کو اسمگل کی جا رہی تھی۔

اینٹی نارکوٹکس سیل نے ملزم کو گرفتار کر کے اس کے قبضے سے 2.2 کلو گرام ہیروئن برآمد کی، جو عروسی ملبوسات اور کچن کے سامان میں چھپائی گئی تھی۔

لبنانی فورسز کے مطابق ملزم کے نیٹ ورک کا سراغ لگایا جا رہا ہے، ملزم کا تعلق لبنان سے ہے جو عروسی ملبوسات اور کچن کے سامان کی آڑ میں شمالی افریقہ میں ہیروئن اسمگل کر رہا تھا، اس کے خلاف کارروائی خفیہ اطلاع پر کی گئی، محکمہ انسداد منشیات کو یہ اطلاع ملی تھی کہ نامعلوم افراد کارگو سروس کے ذریعے بڑی مقدار میں ہیروئن اسمگل کرنے کی کوشش کر رہے ہیں۔

اینٹی نارکوٹکس اہل کاروں نے شپمنٹ کی تلاشی لی تو اطلاع درست ثابت ہوئی، شپمنٹ میں بڑی تعداد میں عروسی ملبوسات اور کچن میں استعمال ہونے والے کٹلری سیٹس موجود تھے، جس کی تلاشی پر چھپائی گئی ہیروئن بھی برآمد ہو گئی۔

اینٹی نارکوٹکس حکام کے مطابق اسمگلنگ کے لیے ملزم نے فرضی شناختی کارڈ کا استعمال کیا تھا، استعمال ہونے والے موبائل نمبر بھی تلف کر دیے گئے تھے، ملزم سے مزید تفتیش کی جا رہی ہے۔

The post ہیروئن اسمگلنگ کے لیے عروسی ملبوسات کا استعمال، ملزم گرفتار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2APWMeo