روس یوکرین تنازع کے حل کی پرامن کوششوں کی حمایت کرتے ہیں، پاکستانی مندوب

(30 اگست 2025): اقوام متحدہ میں پاکستانی مندوب عاصم افتخار نے کہا کہ روس یوکرین تنازع کے حل کی پرامن کوششوں کی حمایت کرتے ہیں۔

تفصیلات کے مطابق اقوام متحدہ میں پاکستانی مسقل مندوب سفیر عاصم افتخار نے یوکرین میں انسانی جانوں کے ضیاع اور سفارتی وثقافتی اداروں کو پہنچنے والے حالیہ نقصان پر گہرے دکھ کا اظہار کیا ہے۔

اقوام متحدہ میں پاکستانی مندوب عاصم افتخار نے خطاب میں کہا کہ عالمی قوانین واضح ہیں اور اس پر عمل درآمد لازم ہے، تمام ارکان کو ویانا کنونشن کا احترام کرنا چاہیے۔

انہوں نے کہا کہ صدر ٹرمپ کے تنازع کے حل کے لیے کردار کو سراہتے ہیں، امریکا اور روس کے درمیان اعلیٰ سطح رابطے خوش آئند ہیں، امید ہے روس یوکرین کے رابطوں کا مثبت نتیجہ  آئے گا۔

پاکستانی مندوب کا کہنا تھا کہ روس یوکرین میں امن کی کوششیں رکنی نہیں چاہیے، تنازعات کے حل کے لیے طاقت کا استعمال مناسب نہیں ہے طاقت کے استعمال سے انسانوں کی تکالیف بڑھتی ہیں، روس یوکرین تنازع کے حل کی پرامن کوششوں کی حمایت کرتے ہیں۔

روس یوکرین جنگ رکوا کر رہوں گا، صدر ٹرمپ

from ARYNews.tv | Urdu – Har Lamha Bakhabar https://ift.tt/NAOyh5o